Neymar kthehet në shtëpi!

Synon Kupën e Botës 2026

Lojtari brazilian Neymar falenderon dhe kthehet në Santos. Al-Hilal dhe Neymar janë marrë vesh të ndërpresin kontratën, e cila zgjati vetëm 18 muaj dhe raportohet të jetë vlerë 104 milionë dollarë.

32-vjeçari filloi të luajë në Arabinë Saudite gjatë verës së vitit 2023, por arriti të luajë vetëm 7 ndeshje në total. Pas një lëndimi në gjurin e majtë, ai nuk ishte më i aftë të performonte, pasuar nga një lëndim në tendin e akilit dhe që nga ajo kohë nuk ka mundur të luajë.

Jorge Jesus është shprehur për Neymarin “Ai nuk mund të luajë më në nivelin që jemi mësuar. Gjërat janë bërë të vështira për të, fatkeqësisht”.

Presidenti i klubit të Santos, Marcelo Teixeira, gjithashtu shprehet shkurtimisht pas kësaj në rrjetet sociale “Ka ardhur koha, Neymar. Është koha për të kthyer tek njerëzit tëndi. Tek shtëpia jonë, te klubi ynë i zemrës. Mirësevjen djali ynë Ney!...Familja e Santos të pret me duar të hapura”.

Sipas gazetarit të Sky, Florian Plettenberg, ata besojnë se Neymar do të luajë në Santos vetëm për gjashtë muaj, pasi qarkullojnë thashetheme se ai dëshiron të kthehet në Europë. A mund të jetë Premier League, La Liga ose Serie A?

Santos luan tani në liga e lartë të Brazilit. Neymar nuk ka luajtur në Santos që nga viti 2013 - ai e la atëherë ekipin për Barcelonën. Sipas vetë Neymarit, ai po synon Kupën e Botës 2026.