Rebbieħ tal-Ballon d'Or 2024

Rodri, Manchester City ingħata l-Ballon d'Or fl-irġiel u Aitana Bonmati, Barcelona fin-nisa.

- Din hi jum ġurnata speċjali ħafna għalija, għall-familja tiegħi u għall-pajjiż tiegħi, jgħid l-Ispanjol Rodri lil BBC meta lbieraħ ġie magħżul bħala l-aqwa plejer tal-futbol fid-dinja għas-sena 2024.

Il-Gala saret it-Tnejn fi Franza fit-Théâtre du Châtelet f'Pariġi. Hawnhekk tingħata l-premju lill-aqwa plejer tal-futbol fid-dinja, u tingħata mill-gazzetta Franċiża tal-futbol France Football. Is-sena l-oħra Lionel Messi ġie onorat b’dan il-prestiġjuż premju fuq in-naħa tal-irġiel u din id-darba ħafna ħasbu li l-istilla ta' Real Madrid Vinicius Junior. 

Skont sorsi, Vinicius Junior kien konvint li ma kienx ser jirbaħ il-premju, minkejja s-suċċessi kbar tiegħu matul is-sena li għaddiet. Huwa għażel li ma jkunx preżenti matul il-lejla.

Rodri bħalissa qed jirkupra minn injury, iżda kien preżenti meta Manchester City matul l-istaġun li għadda rebaħ il-Premier League. Vinicius Junior spiċċa fit-tieni post, segwit minn Jude Bellingham u Dani Carvajal fir-raba' post. Erling Braut Haaland ġie fil-ħames post. 

Hawnhekk hija l-lista tal-rebbieħa kollha:

Ballon d'Or (naħa tal-irġiel): Rodri, Manchester City. 

Ballon d'Or (naħa tan-nisa): Aitana Bonmati, Barcelona. 

Coach tas-Sena (naħa tal-irġiel): Carlo Ancelotti, Real Madrid. 

Coach tas-Sena (naħa tan-nisa): Emma Hayes, USA. 

Il-Klabb tas-Sena (naħa tal-irġiel): Real Madrid.

Il-Klabb tas-Sena (naħa tan-nisa): Barcelona.

"Trofew Kopa" (l-aqwa plejer tal-futbol tal-irġiel taħt it-21 sena): Lamine Yamal, Barcelona.

"Trofew Yashin" (l-aqwa gowlkiper fid-dinja fuq in-naħa tal-irġiel): Emiliano Martinez, Aston Villa. 

Kylian Mbappé u Harry Kane qasmu l-premju Gerd Müller b'52 gowl totali l-istaġun li għadda.